Cyfieithu Amnis
Gwasanaeth cyfieithu testun Cymraeg a Saesneg.
Eich geiriau chi, yn eich llais chi. Yn ddwyieithog.
Amdanom ni
Cwmni bach, cyfeillgar yw Cyfieithu Amnis, gyda blynyddoedd o brofiad o gyfieithu proffesiynol. Mae’r profiad hwnnw yn llifo trwy wead y cyfieithiad a ddarparwn i chi. Bydd eich testun yn darllen fel Cymraeg neu Saesneg naturiol, yn hytrach na throsiad slafaidd o’r iaith wreiddiol.
Ymhlith ein cwsmeriaid mae cyrff ac elusennau cenedlaethol, cwmnïau bychain, grwpiau cymunedol ac unigolion. Mae un peth yn gyffredin iddyn nhw oll: maen nhw’n ymddiried yng ngallu Cyfieithu Amnis i siarad eu hiaith nhw a chyflawni ar agweddau dwyieithog eu prosiectau.
Nid ar chwarae bach mae ymddiried yn rhywun i gyfleu llais eich mudiad mewn iaith arall.
Bydd eich geiriau mewn dwylo da. Gallwch ddibynnu ar Amnis am wasanaeth cywir, prydlon a phroffesiynol.
Gweithio gyda ni
Efallai bod comisiynu cyfieithydd yn beth hollol ddieithr i chi.
Pan fyddwch chi’n cysylltu â ni, mae croeso i chi holi am unrhyw agwedd ar y broses, yn cynnwys sut i gyflwyno eich testun i ni, prisiau, sut rydyn ni’n penderfynu ar y termau a’r cywair addas ar gyfer eich testun, ac unrhyw agwedd arall ar y broses gyfieithu yr hoffech wybod mwy amdani.
Beth bynnag sydd gennych i’w gyfieithu, boed fyr neu faith, technegol neu dafodieithol, bydd Cyfieithu Amnis yn sicrhau ein bod yn cytuno ar y briff, y costau a’r amserlen o’r dechrau.
Prosiectau diweddar
Cyfieithu ymgyrch marchnata ar y cyfryngau cymdeithasol
Deunyddiau ar gyfer ymgyrch cenedlaethol
Cyfieithu a phrawf ddarllen i Mantell Gwynedd
Cyfieithu a phrawf ddarllen
Cyfieithu testun gwefan a deunyddiau marchnata
Cyfieithu casgliad o ddeunyddiau marchnata a gwefan ar gyfer ail-frandio mudiad.
Diolch yn fawr! Rwyf wastad yn gwybod y gallaf fod yn sicr o ohebiaeth di-oed, atebol a chlir, ebostiau cyfeillgar a difyr, a chwip o gyfieithiad gyda sylw rhagorol i fanylder ac ystyriaeth feddylgar o'r gwaith.
Graham Read
Uwch Ddylunydd, Brandio a Marchnata, Sustrans, 2020
Fe wnaethom ddefnyddio Cyfieithu Amnis i gyfieithu holl gynnwys ein gwefan yn dilyn ail-frandio o Gofal i Platfform. Yn ystod cyfnod eithriadol o brysur, llwyddodd Gwenlli o Amnis i gwblhau ein holl gynnwys yn brydlon, ymatebodd i geisiadau brys a helpodd ni i reoli'r broses o gyfieithu gwefan newydd gyfan a deunyddiau marchnata mewn da bryd ar gyfer ein lansiad.
Mae Platfform yn gweithio gydag Amnis yn rheolaidd erbyn hyn. Mae'r gwasanaeth wedi bod yn rhagorol - yn ddibynadwy, proffesiynol a deallus bob amser. Rwy'n argymell Amnis yn arw!
Natasha Withey, Swyddog y Wasg ac Ymgyrchoedd, Platfform, 2019
